In 2023 wordt op vrijdag 31 meert 2023 veur de 3e maol in ‘Het Markehuis’ in Grol de Streektaolstried treden.
De wedstried wordt opnei organiseerd deur de Streektaolvrijwilligers van het Huus van de Taol in Aa en Hunze. ‘Spreekstalmeester’ is, net as veurgaonde jaoren, de old Huus van de Taol-directeur Jan Germs.
Op vrijdag 31 meert um 20.00 uur hoop we der met veul inwoners van oonze gemeente een mooie ovend van te maoken. Der kunt zuch 30 teams opgeven um dizze Drèentse pubquiz in Grol te speulen.
Alle groepen die dit jaor metdaon hebt, kriegt dizze week een mail van de Streektaolambassadeur Jan Hartlief. Hierin bint ze waarm maokt um volgend jaor weer deel te nimmen an de streektaolstried. Natuurlijk kunt (vrienden)groepen, buren, clubs, verenigings en aandere groepies heur ok anmelden. Iedereen kan metdoen!
De eerste 30 opgaoves die binnenkomt vanaof ankommende dunderdag 5 jannewaori 2023 noteer we as deelnimmer. ‘Wie ‘t eerst komp, ‘t eerst maolt’. Een team telt minimaol veer en maximaol vief personen.
Wi’j metdoon? Meld je dan an bij: jghartlief@ziggo.nl (06-46325905) of roelie@pattyjoris.nl
(06-14967724).
De Streektaolstried begunt 31 meert um 20.00 uur in ‘Het Markehuis’, De Pol 4 in Grol.
Inloop vanof 19.30 uur.
We rekent der netuurlijk op dat de winnaors van 2022 ‘De Smitties’ weer van de partij bint.
Zij wordt nog een maol oetdaogd de stried an te binden met de aandere teams.
De vrijwilligers van het Huus van de Taol in Aa en Hunze hoopt dat der weer een mooie stried streden wordt!
